Weblog
Tuesday, 30 September 2008
-
理財...
最近發現岩岩過左既O個個月大洗左好多...好似係咁買野....但買完又係唔見得有好好咁用...都係掉晒O係度....有書類...電子類...服裝類...美術類....個人護理類....影音類...玩具...完全將塞滿野既一間房...沒得再塞.....真係係時候要為間房計劃一下點搞....同埋係時候收一收手...唔好再係咁買野....不過都要買埋聽日先=口=!!!!!!!!!!大頭仔!!!我要接你返屋企!!你等我~
Monday, 29 September 2008
-
第一課 : 練習
唔知乜野既因素影响下~今日突然同人去左灣仔o的gallery睇畫展~雖然目標地點去到竟然係沒開...不過都睇到其他~好唔好就見人見智~但對我黎講的確係一個好開始~
臨返屋企走的起心肝去左買畫布同畫架...諗左好耐~與期係咁諗自己幾時返大陸買不如買住個用住先....見買左個新畫架~即刻set野畫返幅~點知當我畫畫下既時候....突然發現自己既問題.....古語有伝...執筆忘字.....而我....係執筆忘畫....突然個腦畫畫下一片空白唔知想畫乜.....但其實個構圖我係在星期三突然諗到....但去到星期日....己經淡忘左一半....而lee個情況都經常發生o係我身上.....我諗....我真係練習得太少~對自己太有自信了...竟然以為自己可以將自己腦入面諗既野用一隻勁耐沒畫野既手畫返晒出黎.....「所見在心，表出在手腕」沒熟練既手腕又點將自己心想既畫出黎呢....睇黎真係要練返多d先得喇.....
Thursday, 04 September 2008
-
運動有益身心
最近覺得公司真係一個好可怕的地方....每日聽到某些詞語確實令我非常想死....不過點解真係可以做到咁X都又有咁多人受落~確實係令人費解。而且認真做野既人就係會比人歧視....雖然好似好唔合羅輯，但哩個社會就係咁樣....而哩個世界永遠就係有咁多令人費解既事...我亦會努力去接受哩個事實....同埋自我反省....不過人就係自我中心....個個都係為自己....所以我亦沒必要為一D無聊既人而打亂自己既工作囉~反正有D野有同沒都係一樣!!...況且工作只係生活既一部份~只係令夢想實現既工具~加油~啦~
今晚去左做GYM，運動確實令人心情愉快好多，雖然做到好累，不過好ｒｅｌａｘ～
Tuesday, 02 September 2008
-
My Life
好似每次都係在唔開心既時候...先會黎寫xanga....最近又係要獨自奮鬥既日子....我唯一可以對不滿事情既控訴....就只有自己炆...-.-".......如果唔係仲可以點樣......想轉變...但又唔知自己想點....我再一次好似沒左目標咁....快o的有學返啦........煩燥地等待中...
Friday, 04 July 2008
-
生活?!
今晚又係間歇性週期情緒低落既日子 ，唔知係外來因素影响還是內在因素...放工時心情跌之低點.....又再一次問自己...我有邊樣野係精既呢....突然發覺係沒....又再問自己...我既存在價值究竟係咩呢...突然個人變到一粒點咁細.......
之後見仲有時間.....去左買野....在30分鐘內瘋狂購物....心情好似好返少少....決定唔走堂.....今堂係睇幻燈片....好彩我今堂有返...突然間醒左....原來一幅畫存在的意義可以有咁深.....突然在腦入面有很多倒帶的畫面...回顧一路以黎自己的畫....突然驚醒自己有幾渺小.....發覺自己既生活....忙碌的上班工作.....確實令人錯過了生活上很多的事........又問自己我追求既究竟係咩生活呢....
